Amierykaniec, jaki pryjechaŭ ź Litvy ŭ tavarnym vahonie, choča zastacca ŭ Biełarusi
Prapahandysty pakazali siužet z 27-hadovym hramadzianinam ZŠA Antonam Rosam, jaki nielehalna pierasiok litoŭska-biełaruskuju miažu ŭ vahonie hruzavoha ciahnika, piša Reform.news.
U siužecie, jaki vyjšaŭ siońnia na telekanale «Biełaruś 1», Anton Ros raskazaŭ, što niekalki hadoŭ tamu byŭ u Biełarusi i chacieŭ by tut zastacca.
«Ja siabie dobra adčuvaju, vydatna kormiać, vydatnyja ŭmovy. Ja … tak atrymałasia, što ŭ mianie ciažka z dakumientami, i ja, tak by mović, u rospačy pasprabavaŭ takoj apošniaj sprobaj dabracca da vas siudy.
Ja byŭ kaliści ŭ Biełarusi, mnie tady vielmi spadabałasia. Ja byŭ u Minsku niekalki hadoŭ tamu, i mnie ŭsio vielmi spadabałasia. Mnie spadabalisia čyścinia, utulnaść, prystojnaść ludziej, voś. I dobrazyčlivaść — voś samy taki voś nastroj, skažam, spakojny. I ja byŭ vielmi natchniony, kali tut pabyvaŭ upieršyniu.
U mianie znajomyja tam byli, siabry — i vielmi jak by, vielmi sumlennyja, dobryja ludzi ź Biełarusi. Ja voś trapiŭ siudy, i tady ŭbačyŭ, što jany nie vyklučeńnie. Ja chadziŭ u ruskuju škołu niekalki hadoŭ. Usio dobra, vydatna abychodziacca. Tolki kali možna było niejak zastacca … Mamie skazać, što ŭsio dobra. Tut kormiać, pojać, ciopła, možna adpačyć. Nu, karaciej, umovy dobryja i ŭsio narmalna», — kaža mužčyna na kamieru pa-rusku biez akcentu.
U siužecie paviedamili, što ŭ mužčyny jość «niekatoryja prablemy sa zdaroŭjem», jakija raźviazvajucca biełaruskimi śpiecyjalistami.
Raniej u Dziaržaŭnym pamiežnym kamitecie zajaŭlali, što paśla pryciahnieńnia da administracyjnaj adkaznaści hramadzianina ZŠA departujuć na terytoryju Litvy.
Anton Ros byŭ zatrymany supracoŭnikami biełaruskaj mytni ŭnačy 31 sakavika na čyhunačnaj stancyi «Maładziečna» ŭ vahonie tavarnaha ciahnika.
Amierykaniec, jakoha znajšli ŭ tavarnym vahonie ŭ Maładziečnie, dvojčy sprabavaŭ trapić u Biełaruś aficyjna. Jaho departujuć
Amierykaniec, zatrymany na čyhuncy pad Maładziečnam, nijak nie źviazany z katastrofaj na palihonie
U Maładziečnie ŭ pustym vahonie znajšli 27-hadovaha amierykanca, jaki nielehalna trapiŭ u Biełaruś ź Litvy
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary
Napisana ž, prablemy s zdaroŭjem. Jakija mienavita prablemy.. tut da babki nie chadzi.