Дзе танней набыць рэчы Zara — у Мінску ці ў Будапешце? Параўнаць цэны вырашыла блогерка Настасся Клімовіч, падчарка вядомага футбаліста Аляксандра Глеба. Яна цяпер жыве на дзве краіны і добра арыентуецца ў тым, дзе што колькі каштуе.
На інстаграм-блог Настассі Клімовіч, фіналісткі конкурсу прыгажосці «Міс Беларусь 2018», падпісана 73 тысячы чалавек.
У 2021 годзе яна пабралася шлюбам з футбалістам зборнай Беларусі Уладзіславам Клімовічам, праз год у сям’і нарадзіўся сын. Цяпер Уладзіслаў гуляе за венгерскі клуб DVTK, а Настасся з сынам жыве на дзве краіны — Беларусь і Венгрыю.
У гэтыя выходныя ў Беларусі (і ў іншых краінах таксама) «чорная пятніца», і Настасся з мамай, бабуляй і сынам прайшлася па магазінах. Яна распавяла падпісчыкам на прыкладзе папулярнай сеткавай крамы Zara, як адрозніваюцца цэны на адзенне ў Мінску і Будапешце.
Напрыклад, сама Настасся прымерыла дублёнку.
— Цана ў Беларусі са зніжкай 197 рублёў, у Венгрыі — 130 рублёў, — адзначыла блогерка, якая для зручнасці перавяла цэны з венгерскіх форынтаў у беларускія рублі.
Маленькаму сыну Арцёму Настасся глядзела зімовую куртку з новай калекцыі (зніжкі на яе пакуль няма ні ў адной з краін). На яе розніца ў цэнах яшчэ больш кідаецца ў вочы: 199 рублёў у Беларусі супраць 117 рублёў у Венгрыі.
Як альтэрнатыўны варыянт для дзіцяці Настасся разглядала дублёнку, за якую ў Мінску трэба аддаць 199 рублёў. У Будапешце ж яна ўжо на зніжцы і абыдзецца ўсяго ў 67 рублёў. Настасся напісала, што, калі перавяла цану з венгерскіх форынтаў, зразумела, што абавязкова возьме гэтую дублёнку. Не ўдакладніла, у якой менавіта краіне, але, здаецца, выбар відавочны.
Пракурорскі начальнік абурыўся неабгрунтаванымі затрыманнямі беларусаў8
Каментары