У Магілёўскай вобласці дзяржаўныя СМІ аднамомантна выдалілі інфармацыю пра перадвыбарчую падзею
Праваабаронцы з Mayday.team заўважылі, што з сайтаў дзяржаўных раённых і нават абласных газет былі ўзгоднена выдаленыя раней апублікаваныя матэрыялы пра трэнінгі для сябраў участковых выбарчых камісій.
Гэта зрабілі, як мінімум, абласны холдынг «Магілёўскія ведамасці», а таксама раённыя выданні ў Чавусах, Крычаве, Быхаве, Краснаполлі, Дрыбіне і Шклове. У кэшы Google інфармацыя пра публікацыі засталася, але на саміх сайтах яны недаступныя.
Таксама інфармацыя была выдаленая з сайта Чавускага райвыканкама, а вось Быхаўскі райвыканкам пакінуў інфармацыю, але без фатаграфій.
Верагодна, менавіта фатаграфіі сябраў участковых выбарчых камісій сталі падставай для аднамомантавага і масавага выдалення матэрыялаў.
Пры гэтым цікава, што раней менавіта з Магілёўскай вобласці пачаўся і ці не найбольш актыўна прайшоў арганізаваны прапагандыстамі флэшмоб, падчас якога нібыта засакрэчаныя члены выбарчай камісіі запісвалі кароткімі ролікі са своеасаблівым палітычным «камінг-аўтам» і сцвярджэннем, што сяброўствам у камісіі яны нават ганарацца.
«Я член выбарчай камісіі і гэтым ганаруся». Лукашысты ладзяць новы флэшмоб
Не паспела краіна адысці ад акцыі «Надо!», як пачаўся новы рэспубліканскі флэшмоб «Пад сцягам краіны»
У Брэсце чыноўнікі паспрабавалі перабіць рэкорд БРСМ па колькасці дзяржсцягоў на квадратны метр ВІДЭА
«Таня, мы з табой!» Улады запусцілі флэшмоб у падтрымку жанчыны ў чырвона-зялёным ВІДЭА
Улады Беларусі запусцілі флэшмоб: работнікаў і вайскоўцаў змушаюць прасіць Лукашэнку балатавацца на 7-ы тэрмін ВІДЭА
Цяпер чытаюць
Пракурорскі начальнік абурыўся неабгрунтаванымі затрыманнямі беларусаў8
Каментары