ДАІ Мінскай вобласці кажа, што ДАІ Гродзенскай вобласці запусціла фэйк пра тэхагляд
12 сакавіка ДАІ Гродзенскай вобласці ў інстаграме апублікавала гучную навіну пра тое, што цяпер любая камера на дарозе можа фіксаваць адсутнасць у машыны тэхагляду. Пасля гэтага на станцыях дыягностыкі выстраіліся чэргі з аўтаўладальнікаў. Аднак у выніку гэтыя даныя апынуліся фэйкам, даведаўся партал Slutsk Gorod.
Спачатку выданне звярнулася па каментарый наконт гэтага да ДАІ Слуцка. Прадстаўнікі ведамства паведамілі: ім не даводзілі ніякай інфармацыі, што звычайныя камеры відэаназірання зараз фіксуюць ТА.
Сітуацыю канчаткова растлумачылі ў прэс-службе УДАІ Мінаблвыканкама.
Там адзначылі, што інфармацыя аб фіксацыі тэхагляду звычайнымі камерамі, якая патрапіла ў сеціва, з'явілася памылковай і затым без праверкі была распаўсюджаная многімі інтэрнэт-рэсурсамі. Па сутнасці, гэта аказалася фэйкам.
Такім чынам, звычайныя камеры відэаназірання і камеры рэспубліканскай сістэмы маніторынгу грамадскай бяспекі ў аўтаматычным рэжыме не могуць фіксаваць тое і іншыя парушэнне, заключае выданне.
Між тым, менавіта Гродзенская ДАІ распаўсюдзіла гэту інфармацыю. «Усе камеры кантролю хуткасці, а таксама камеры маніторынгу па ўсёй Беларусі зараз паралельна правяраюць дзяржтэхагляд аўтамабіля. Калі яго няма, робяць аўтаматычнае фота, а следам вам прыляціць «ліст шчасця» са штрафам», — гаварылася ў заяве Гродзенскай ДАІ.
Пасля таго, як ДАІ папужала новымі камерамі, беларусы выстраіліся ў чэргі на тэхагляд.
Цяпер чытаюць
Пракурорскі начальнік абурыўся неабгрунтаванымі затрыманнямі беларусаў8
Каментары