Беларуска расказала, як дамаглася абмену «неплацежаздольных» даляраў у банку
Дзяўчына апублікавала ў тыктоку ролік, у якім падзялілася досведам здачы даляраў. З яе слоў, набытую ў адным банку 100-даляравую купюру не хацелі прымаць не толькі іншыя абменнікі, але нават і той, дзе банкноту прадалі. Але яна здолела дамагчыся яе абмену, праўда, на беларускія рублі, а не на такую ж па намінале валюту ЗША, заўважыў Telegraf.news.
Беларуска расказала, што пасля куплі стодаляравай купюры 26 лютага «яе рэзка перасталі дзесьці прымаць», калі спатрэбілася здаць грошы.
«Мы прынялі рашэнне з гэтай сітуацыяй разбірацца, трэба неяк вяртаць свае грошы, таму што больш за 300 беларускіх рублёў губляць не хочацца», — працягнула яна.
Дзяўчына са сваім хлопцам хадзіла па банках, дзе ёй адмаўлялі ў прыёме даляраў. Пара ўспомніла, што гэтую банкноту, са слоў аўтара відэа, атрымалі ў Альфа Банку. Беларусы пайшлі ў тое аддзяленне, «сталі ў тую касу» і паскардзіліся работніцы на продаж «неплацежаздольнай купюры».
«І яна пачынае з намі лаяцца», — сказала дзяўчына, сцвярджаючы, што касірка адмаўляла продаж «такой купюры».
Дзяўчына прапанавала прабіць банкноту па яе нумары, пасля чаго супрацоўніца банка, як перадала яе словы аўтарка роліка, адказала: «Яна плацежаздольная, але яна ўся залітая, мы такое не можам прыняць».
Тады дзяўчына прапанавала «глядзець камеры», каб вызначыць касіра, які абмяняў у той дзень грошы. Пасля гэтага, як сцвярджае аўтар відэа, работніца банка прапанавала абмяняць купюру на беларускія рублі, што і зрабілі.
«З горам папалам, са скандалам, пакуль не папрасілі запісы з відэакамер, нам вярнулі ў беларускіх рублях гэтыя $100… Калі вам прадалі дзесьці неплацежаздольную купюру, яны ўсе чэкаюцца [правяраюцца] іхняй гэтай машынай, кожная купюра, кожны нумар», — дадала беларуска.
У тыктоку сітуацыя выклікала абмеркаванне:
«А што значыць залітая? Растлумачце, калі ласка», — папрасіла адна каментатарша. Аўтарка роліка адказала: «Пад ультрафіялетам плямы былі, якія на вока не бачныя».
«Адпрацавала ў банку больш за 10 гадоў і неаднаразова сутыкалася з нумаронамі (лічыльнік+вызначае падробкі) [. — Заўв. рэд.]. Першы раз чую, каб банк захоўваў нумары купюр пры іх наяўным грашовым абароце», — падзялілася іншая карыстальніца тыктоку.
«Працую ў банку. Ёсць нумарацыя. У вас падліковая машына, значыць, дарэвалюцыйная», — адказалі ёй.
Яшчэ адзін юзэр падзяліўся сваім лайфхакам:
«Пасля куплі раблю фота нумароў купюр з чэкам. Калі не прымаюць, выклікаю ахову — і мяняюць адразу, не дзякуйце».
Раней на фоне гісторый беларусаў пра цяжкасці са здачай «старых» або пашкоджаных даляраў ЗША ў абменных пунктах, якія раз-пораз усплываюць у сацсетках, новы кіраўнік Нацыянальнага банка Раман Галоўчанка выступіў з тлумачэннямі. Ён запэўніў, што ніякіх абмежаванняў на прыём банкнот старога ўзору няма, але прызнаў, што з пашкоджанымі купюрамі ўзнікла праблема, якой «раней не было».
«Некаторыя кліенты знайшлі альтэрнатыву новым далярам». Касірка банка адказала на пытанні, якія ўзнікаюць пры абмене валюты
«Праз 9 месяцаў узніклі пытанні». Паход у абменнік для 80-гадовага мужчыны скончыўся вялікімі непрыемнасцямі
Ці праўда, што ў абменніках не прымаюць даляры старога ўзору?
У Салігорску банкамат выдаў такія даляры, што ў банку не захацелі прымаць
Пракурорскі начальнік абурыўся неабгрунтаванымі затрыманнямі беларусаў8
Каментары