Zdaroŭje

Vučonyja znajšli, jak zrabić EKA bolš vynikovym — z dapamohaj cukru

Navukoŭcy z ZŠA vyjavili, što policukrydy, padobnyja da tych, što jość u žanočym arhaniźmie, zdolnyja padaŭžać žyćcio śpiermatazoidaŭ i, jak vynik, pavialičvać šancy na paśpiachovaje EKA.

EKA (ekstrakarparalnaje apładnieńnie) ci apładnieńnie žanočaj jajcakletki z dapamohaj mikraskopa. Fota: luismmolina / Getty Images

Pavodle vydańnia Interesting Engineering, daśledčyki z Univiersiteta Ilinojsa (ZŠA) raspracavali novy mietad adboru i zachavańnia žyćciazdolnych śpiermatazoidaŭ u łabaratornych umovach.

Jak adznačajuć aŭtary, fałopijevy truby žančyny vałodajuć zdolnaściu zachoŭvać śpiermatazoidy i padaŭžać ich žyćciazdolnaść.

U 2020 hodzie jany vyjavili, što klučavuju rolu ŭ hetym adyhryvajuć hlikany — policukrydy, jakija naturalna prysutničajuć u žanočaj repraduktyŭnaj sistemie. Jany zdolnyja złučacca sa śpiermatazoidami i padtrymlivać ich aktyŭnaść. Adnak u łabaratornych umovach hetuju funkcyju raniej nie ŭdavałasia ŭznavić.

U novym daśledavańni, razam z chimikami, było pratestavana niekalki socień varyjantaŭ hlikanavych złučeńniaŭ, i dla dalejšych ekśpierymientaŭ byŭ abrany adzin — sulfatavany trysacharyd Lewis X (suLeX).

U ekśpierymiencie śpiermatazoidy spačatku złučalisia z pavierchniaj, pakrytaj suLeX, na praciahu 30 chvilin, a zatym da ich dadavali jajcakletki — albo adrazu, albo praz 6, 12 ci 24 hadziny. Heta dazvoliła acanić, nakolki suLeX padaŭžaje žyćciazdolnaść śpiermy.

Śpiermatazoidy, źviazanyja z suLeX, pakazali najvyšejšuju efiektyŭnaść apładnieńnia — 53 % u paraŭnańni z 36 % u kantrolnaj hrupie biez hlikanaŭ i prykładna 40 % pry vykarystańni dvuch inšych złučeńniaŭ.

Akramia taho, tryvałaje złučeńnie śpiermatazoidaŭ z hlikanam dazvalała vykarystoŭvać mienšuju ich kolkaść, što źmianšała ryzyku poliśpiermii (kali jajcakletku apładniajuć niekalki śpiermatazoidaŭ adnačasova).

Niahledziačy na toje, što daśledavańnie pravodziłasia na śpiermie śvińniaŭ, atrymanyja vyniki mohuć być karysnymi ŭ budučyni jak dla lačeńnia biaspłodnaści ŭ ludziej, tak i dla palapšeńnia technałohij u žyviołahadoŭli (naprykład, dla vytvorčaści embryjonaŭ ad žyvioł z vysokaj hienietyčnaj kaštoŭnaściu) z vykarystańniem ekstrakarparalnaha apładnieńnia.

Choć pakul što nie vyznačana, jakija mienavita hlikany najbolš efiektyŭna złučajucca ź śpiermatazoidami čałavieka, paśla ich vyjaŭleńnia hety padychod moža ŭ łabaratornych umovach padaŭžać fiertylnaje «akno» śpiermatazoidaŭ i skaračać roźnicu ŭ časie pamiž ich hatoŭnaściu da apładnieńnia i momantam, kali jajcakletka dasiahaje śpiełaści.

Dziakujučy hetamu ŭźnikaje bolšaja vierahodnaść, što śpiermatazoidy i jajcakletka sustrenucca ŭ aptymalny momant, što, u svaju čarhu, moža palepšyć vyniki EKA. Adnak, jak padkreślivajuć daśledčyki, patrebnyja dadatkovyja vyprabavańni.

Kamientary

Ciapier čytajuć

Prakurorski načalnik aburyŭsia nieabhruntavanymi zatrymańniami biełarusaŭ7

Prakurorski načalnik aburyŭsia nieabhruntavanymi zatrymańniami biełarusaŭ

Usie naviny →
Usie naviny

Novy trend tyktoka: pracirać tvar bananavaj skurkaj. Heta sapraŭdy pracuje?12

«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»8

«Interjery z Pinterest» i «ceny jak u Vieniecyi». U Hrodnie na miescy źniesienaha histaryčnaha budynka adkryli daraženny bucik-hatel10

Z zakrytych pratakołaŭ stała viadoma, jak Biełaruś i Rasija dzialili kalijny rynak

Rasija ŭdaryła rakietaj pa Kryvym Rohu, užo 14 zahinułych12

«Mianie vielmi mocna niepakoić, čyjo jano». Historyja biełarusa, jakomu ŭ Polščy pierasadzili novaje serca4

Ad BNF da HRU. Chto takaja Natalla Sudlankova, jakoj čechi zahadali pakinuć krainu55

Žurnalist paćvierdziŭ, što pašpart prykryćcia muža Siamaški dahetul sapraŭdny. I ŭziaŭ jaho pad kantrol na sajcie MUS14

Tramp moža źnizić myty dla Kitaja, kali toj pradaść TikTok4

bolš čytanych navin
bolš łajkanych navin

Prakurorski načalnik aburyŭsia nieabhruntavanymi zatrymańniami biełarusaŭ7

Prakurorski načalnik aburyŭsia nieabhruntavanymi zatrymańniami biełarusaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić