Pamiatajecie minskuju doktarku, jakaja šakavała antysiemickimi vykazvańniami? Jana dakładna bolš nie pracuje ŭ dziciačaj balnicy
U listapadzie 2024 hoda Alesia Biełavus, jakaja pracavała aniestezijołaham-reanimatołaham u 3-j dziciačaj balnicy ŭ Minsku, niečakana prasłaviłasia. Nahoda hetamu stali jaje antysiemickija vykazvańni.
Nahadajem: prykładna paŭhoda tamu Alesia Biełavus napisała ŭ tvitary, što «joj jak biełabrysaj słaviancy bolš za ŭsio paskudstvaŭ pryčyniaje jaŭrejonyš» i što «pry ŭsioj jaje maksimalnaj talerantnaści nichto nie źjaŭlajecca takim vadkim čmom, jak žydzionyšy».
Karystalniki tvitara mocna aburylisia dopisam doktarki, ale jana na krytyku reahavała ahresiŭna. Alesia na chvali niečakanaj papularnaści napisała jašče niekalki dopisaŭ, u adnym ź jakich pažadała jaŭrejam «hareć u piečach», supravadžajučy heta simvałam padtrymki Paleściny. Potym toj tvit žančyna vydaliła.
Taksama Biełavus stała pahražać svaim krytykam, što źviernie na ich uvahu siłavikoŭ, adnak joj u adkaz napisali, što jana sama nahavaryła na 130-y artykuł Kryminalnaha kodeksa — ab raspalvańni nacyjanalnaj varožaści.
U chutkim časie doktarka vydaliła svaje akaŭnty ŭ tvitary, instahramie i fejsbuku, a staronku va «Ukantakcie» zrabiła zakrytaj.
Žurnalist «Našaj Nivy» tady telefanavaŭ u 3-ju dziciačuju balnicu Minska z pytańniem, što tam dumajuć pra antysiemickija vykazvańni doktarki. Namieśnica hałoŭnaha doktara pa miedycynskaj častcy Vieranika Maładzianovič kateharyčna zajaviła, što takoj supracoŭnicy ŭ ich niama.
Z anałahičnymi pytańniami tudy źviartałasia i žurnalistka «Lusterka». Joj sakratarka ŭ pryjomnaj hałoŭnaha doktara adkazała: «Nie pracuje ŭ nas takaja. Zvolniłasia ŭ vieraśni».
Nijakaj aficyjnaj reakcyi ni z boku balnicy, ni z boku Minzdaroŭja na situacyju nie było.
Ci pracavała Alesia Biełavus na toj momant u balnicy? Składana skazać. Zhodna z danymi «Kibierpartyzan», jana dakładna pracavała ŭ balnicy sa žniŭnia 2018 hoda i jašče ŭ krasaviku 2024-ha była tam. U jaje fejsbuku na momant skandału miescam pracy taksama była paznačana 3-ja dziciačaja balnica ŭ Minsku.
Ale nieŭzabavie paśla niepryhožaj historyi doktarka źmianiła miesca pracy. U śniežni 2024 hoda, zhodna z bazaj, jana pracaŭładkavałasia ŭ Minsku ŭ zamiežnaje pradpryjemstva pa vytvorčaści lekavych srodkaŭ.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ7
Kamientary