Bolš za 200 pasažyraŭ adnaho z samych vialikich łajnieraŭ zarazilisia naravirusam
Na borcie kruiznaha łajniera Queen Mary 2 adbyłasia ŭspyška naravirusa — infiekcyi, jakaja vyklikaje vanity, młosnaść i dyjareju. Pavodle danych orhanaŭ achovy zdaroŭja ZŠA, zachvareli 224 z 2538 pasažyraŭ i 17 členaŭ ekipaža.
Naravirus pieradajecca kantaktnym šlacham — praz zabrudžanyja pavierchni, ježu i vadu, a taksama ad čałavieka da čałavieka. Chvoryja na praciahu doŭhaha času hublajuć šmat vadkaści, što asabliva niebiaśpiečna dla pažyłych ludziej, piša Bild.
Uspyška adbyłasia ŭ siaredzinie sakavika padčas padarožža pa maršrucie z Sauthiemptana (Anhlija) praź Ńju-Jork u Karybski basiejn. Niahledziačy na pieršyja vypadki zachvorvańnia, łajnier praciahnuŭ ruch. Na ŭsich pałubach praviali starannuju ŭborku i dezynfiekcyju, a chvorym akazvajecca miedycynskaja dapamoha.
«Dziakujučy chutkaj reakcyi našaj kamandy i pryniatym dadatkovym mieram my ŭžo nazirajem źmianšeńnie kolkaści zarehistravanych vypadkaŭ», — adznačaje sudnachodnaja kampanija Cunard Line, jakoj naležyć łajnier.
Queen Mary 2 — adzin z samych raskošnych kruiznych karabloŭ u śviecie. Jon vytrymany ŭ styli transatłantyčnych kruizaŭ pačatku XX stahodździa i znachodzicca ŭ ekspłuatacyi z 2004 hoda. Zaraz sudna zaviaršaje rejs i nabližajecca da porta pryznačeńnia.
Ciapier čytajuć
Prakurorski načalnik aburyŭsia nieabhruntavanymi zatrymańniami biełarusaŭ5
Kamientary