Услед за Мінскай вобласцю ўлады Магілёўскай вобласці таксама аб'явілі аб павышэнні тарыфаў на праезд у грамадскім транспарце. Новыя цэны, як чакаецца, пачнуць дзейнічаць з 29 сакавіка 2025 года.
У Магілёўскай вобласці зменяцца тарыфы на гарадскія і прыгарадныя перавозкі пасажыраў. Адпаведнае рашэнне прынята Магілёўскім аблвыканкамам, піша Mogilevnews.
Цана праезду ў гарадскім транспарце (аўтобусах i тралейбусах) павялічыцца з 80 да 90 капеек за паездку. Для экспрэсных маршрутаў тарыф паднімецца з 0,90 да 1 рубля.
Змены закрануць таксама прыгарадныя перавозкі. Цана аднаго кіламетра праезду на звычайных маршрутах вырасце з 0,10 да 0,11 рубля, на хуткасных — з 0,12 да 0,13 рубля, на экспрэсных — з 0,13 да 0,14 рубля. Аналагічнае павышэнне чакаецца на дадатковых рэйсах.
Учора стала вядома, што даражэе праезд у Мінскай вобласці.
Цяпер чытаюць
Пракурорскі начальнік абурыўся неабгрунтаванымі затрыманнямі беларусаў2
Каментары