Navuka i technałohii33

ChatGPT adkryŭ funkcyju Deep Research dla karystalnikaŭ z samaj tannaj padpiskaj. Voś jak jana pracuje i što moža

OpenAI anansavała, što funkcyja Deep Research budzie dastupnaj dla ŭsich, chto maje padpisku. Novy režym značna lepš analizuje danyja, čym papiarednija funkcyi — raspaviadajem.

ChatGPT. Fota: freemalaysiatoday.com/CC BY 4.0

Funkcyja stvoranaja dla taho, kab vyrašać za vas zadačy, u tym liku pobytavyja. Naprykład, jon moža dapamahčy vybrać kavavarku abo pyłasos, praanalizavać sajt kankurenta ci znajści najlepšy varyjant dla adpačynku. Ale nie ŭsio tak biazvobłačna.

Pa-pieršaje, jana pracuje tolki na płatnych viersijach ChatGPT, jakija ź Biełarusi kupić prablematyčna. Ale heta tolki pałova biady.

Pa-druhoje, madel časta halucyniruje. I heta pakazali našy testy.

U pieršym z zapytaŭ my paprasili ChatGPT ujavić, što my ładzim biznes-mierapryjemstva. My ŭkazali kolkaść praduktaŭ dla furšetu i paprasili madel znajści ich pa samych tannych cenach na sajcie «Jedastaŭka». ChatGPT zadaŭ niekalki ŭdakładnialnych pytańniaŭ i pačaŭ resiorč.

Udakładniajučyja pytańni ad ChatGPT

Varta zaznačyć, što heta byŭ udały kiejs. Jon hruntoŭna praanalizavaŭ sajt «Jedastaŭki» i navat sam abychodziŭ kapču. U vyniku ChatGPT vyśvietliŭ, što tańniej kuplać na sajcie dla biznesu i optam.

Prykładna praz hadzinu jon vydaŭ vynik i navat skłaŭ tablicu z usimi pazicyjami. My pravieryli — ceny supadali, raźlik byŭ karektny.

Vynik daśledvańnia ad ChatGPT

Paśla hetaha my vyrašyli pravieryć, jak jon spravicca z katałoham Anłajniera. I tut pačalisia prablemy.

Zapyt byŭ taki — abiary mnie noŭtbuk pa paramietrach z zadadzienymi charaktarystykami. Charaktarystyki my ŭkazali davoli stroha i jon sapraŭdy adšukaŭ patrebnyja madeli. Mahčyma, heta naša chiba, bo my nie ŭkazali faktar najaŭnaści jak vyrašalny. ChatGPT sam zaŭvažyŭ, što adzin z noŭtbukaŭ «ciažka dastać», tamu paraiŭ jašče dva, jakich taksama nie było ŭ najaŭnaści.

Tablica pieršaha resiorča ChatGPT

Taksama my zaŭvažyli, što jon nie adroźnivaje prapanovy novych noŭtbukaŭ i beušnych, jakija pradajucca pa abjavach.

ChatGPT zaŭvažyŭ, što niekatoryja noŭtbuki niedastupnyja, ale ŭ rečaisnaści jany ŭsie byli niedastupnyja

Tamu my stvaryli novy zapyt — pavialičyli sumu, ukazali faktar najaŭnaści i paprasili abrać aptymalny varyjant. Hetym razam jon daŭ rady lepš i abraŭ realistyčny varyjant.

Vynikovy resiorč ChatGPT — užo bolš adekvatny

Naš vyvad taki: funkcyja moža być karysnaj, ale ślepa daviarać joj nie varta.

«Naša Niva» — bastyjon biełaruščyny

PADTRYMAĆ

Kamientary3

  • Cietka ź Biełastoka
    19.03.2025
    U prykładzie z anłajnieram prablema nie ŭ čacie, a va niaŭdałym prompcie
  • Žypity
    19.03.2025
    Heta małoje dzicia, jakoje pavinna jašče vyraści i parazumnieć.
    Karystujcieś pakul svaim rozumom, kali jon u vas jość.
  • Promt
    19.03.2025
    Cietka ź Biełastoka, sprava jašče ŭ tym, što pakul što narmalnaje karystańnie čatamHPT patrabuje navykaŭ prahramavańnia. To bok, heta nie instrumient dla ŭsich adnolkava efiektyŭny.

Ciapier čytajuć

Prakurorski načalnik aburyŭsia nieabhruntavanymi zatrymańniami biełarusaŭ5

Prakurorski načalnik aburyŭsia nieabhruntavanymi zatrymańniami biełarusaŭ

Usie naviny →
Usie naviny

«Mianie vielmi mocna niepakoić, čyjo jano». Historyja biełarusa, jakomu ŭ Polščy pierasadzili novaje serca4

Ad BNF da HRU. Chto takaja Natalla Sudlankova, jakoj čechi zahadali pakinuć krainu54

Žurnalist paćvierdziŭ, što pašpart prykryćcia muža Siamaški dahetul sapraŭdny. I ŭziaŭ jaho pad kantrol na sajcie MUS13

Tramp moža źnizić myty dla Kitaja, kali toj pradaść TikTok3

Aŭstryja zakryvaje miežy ź Vienhryjaj i Słavakijaj

Karol Karł III syhraŭ kałychanku na morkvie pad akampaniemient harbuza VIDEA2

Jak handlovaja vajna Trampa moža adbicca na suśvietnaj ekanomicy i Biełarusi? I jakaja vyhada z hetaha amierykancam?9

Dźvium minčankam inkryminavali zdradu dziaržavie za praviadzieńnie sacyjałahičnaha apytańnia biez dazvołu9

Rasija pierakidaje paŭnočnakarejskija vojski ŭ Krym3

bolš čytanych navin
bolš łajkanych navin

Prakurorski načalnik aburyŭsia nieabhruntavanymi zatrymańniami biełarusaŭ5

Prakurorski načalnik aburyŭsia nieabhruntavanymi zatrymańniami biełarusaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić